Contiuamos a formación na Súper Escola

Despois de descansar e desconectar uns días, toca seguir coa formación para convertervos nuns grandes superherores e superheroínas.

Para facelo con forza e con moitas ganas, déixovos un vídeo que fixemos os mestres e o persoal do centro con moito cariño para vós. Se nalgún momento vos sentides tristes ou aburridos, subide o volume e dádelle ao "Play", e non esquezades que sempre RESISTIREMOS!

ANIVERSARIO: ANDREA

Hoxe tócalle a outra compañeira e compoñente da Súper Escola cumprir un ano máis. É un aniversario especial porque cumpres nada máis e nada menos que 10 anos (primeiro número de dúas cifras) e só o podes celebrar na casa coa túa familia. Iso fai que sexa unha data da que nunca te esquecerás.

No cole festexámolo á volta!

Parabéns Andrea! 

Dálle ao "play" e a... BAILAR!

 

ANIVERSARIO: ALONSO e HUGO

Hoxe, dous membros da Súper Escola están de aniversario.

Este ano é un pouco diferente xa que non nos podemos ver e tirarvos das orellas... Pero tedes a oportunidade de celebralo coa vosa familia, xa que 10 anos non se cumpren todos os días.

Á volta festexarémolo como de costume.

Parabéns Alonso e Hugo! 

 

Adestramento lingüístico 1: Acentuación

Un dos poderes dos Superheroes e Superheroínas é escribir correctamente, co fin de que as súas mensaxes sexan ben interpretadas. Por iso, fíxanse moito na acentuación gráfica das palabras para non cambiar o significado da mensaxe transmitida.

Se non vos acordades das regras de acentuación, déixovos unha pista...

Agora é momento de adestrarte para que as túas mensaxes sexan ben entendidas e para derrotar a posibles viláns. A XOGAR!

 

Adestramento musical 2: Ritmo

Para profundizar o teu adestramento no RITMO, déixoche uns vídeos que podes imitar xunto á túa familia. Colle un caldeiro e as túas baquetas (lapis/bolis) e a... TOCAR!

RETO 3: Démoslle un respiro á Terra

Estes días, co estado de alarma, debemos permanecer nos nosos fogares. As rúas están baleiras, moitas empresas deixaron de funcionar e regúlase o acceso aos supermercados, entre outras medidas.
Dentro do noso proxecto de centro, Soñando mares transparentes, levamos reflexionado moito acerca de como protexer o planeta, de como se sentiría entre tanto plástico e tanto fume. Ben, pois agora que as persoas imos permanecer nas casas durante unha tempada... Como cres que se sente agora o noso Planeta?

Escribe un pequeno texto, non de menos de 6 liñas, no que nos contes como afecta á natureza que os humanos permanezcamos nas nosas casas e como cres que se sinte ela.

Primeiro elabora un borrador con lapis e papel, logo revísao atentamente para correxir os erros. Podes acompañar o texto cun debuxo. Unha vez listo, pásao a limpo e envíame unha foto ao correo electrónico.

Sede curiosos, vaivos ler moita xente e teñen que entender a letra ;)

E se che apetece, podes grabar un audio, no que nos leas o teu texto e colgareino coa foto.

RETO 2: Súper Diario

Todos os Superheroes e Superheroínas teñen un diario persoal, é dicir, un libro ou caderno no que escriben día a día as súas vivencias ou pensamentos. Isto axúdalles a organizar os seus feitos e ideas, recordar as súas fazañas, descargar as súas emocións e coñecerse mellor.

Agora tócache a ti! Colle un caderno que teñas pola casa e fai o teu diario. Non te esquezas de incluír cada día o seguinte:

1. Data

2. Descrición do teu día (exposición das actividades feitas ou daquelas que desexes destacar).

3. Reflexión sobre as tarefas realizadas. 

4. Debuxo xeral do día ou da actividade máis importante.

Ánimo Superheroe/Superheroína!