EDUFISGALDO!

Temos novo blogue de Educación Física, no que a mestra Rebe vos propón o 1º reto.

Non vos esquezades de visitalo! Preme aquí ou no enlace da columna da dereita, no apartado "Blogues de interese".

LÓVA TAREFA 1: O futuro da Compañía

SORPRESA!

 

Reto 6: Obradoiro de instrumentos

Tocar un instrumento axúdanos a desenvolver a memoria, atención e concentración, a estimular a nosa imaxinación e creatividade e permítenos mellorar o noso estado de ánimo, cousas fundamentais para ser un gran Superheroe ou Superheroína.

Por iso vos propoñemos o seguinte reto: CONSTRUÍR UNHA FRAUTA CUNHA PALLIÑA, xa que sabemos que é posible que non teñades ningún instrumento na casa. Tan só tedes que coller unha palliña e unha tesoira e seguir os pasos que vos indica Abraham Cupeiro.

Para superar o reto, debedes enviar ao correo electrónico unha foto do instrumento construído e un audio no que se vos escoite tocándoo.

Avanti!

Curiosidade: Día Internacional do libro

Cada 23 de abril celebramos o Día Internacional do Libro co fin de fomentar a lectura. Elexiuse esta data porque tal día coma hoxe no ano 1616 faleceron tres grandes escritores universais: Miguel de Cervantes, William Shakespeare e Inca Garcilaso de la Vega.

Por que tes que ler?
Ler permítenos viaxar e ter aventuras por todo o mundo sen ter que movernos, desenvolve a nosa imaxinación e creatividade, danos ideas e sobre todo axúdanos a aprender.

MINI-RETO 5: Escolle o teu libro favorito e pensa 3 razóns polas que o elexiche para convencernos de que o temos que ler. Logo, escríbeas ou grávaas nun audio e envíaas por correo electrónico.

Por último, déixovos a mensaxe que vos envía a mestra Ermi.

Curiosidade: Día da Terra

Dende 1970, o 22 de abril celébrase o Día da Terra co fin de concienciar sobre a importancia de coidar e conservar o noso planeta.

Para festexar o seu 50 aniversario, agárdavos unha sorpresa en Bibliogaldo así como tamén unha proposta de actividade moi chula. Anímaste a facela?

Propostas de Relixión

Ola nenos e nenas! Son María Dolores, a profesora de Relixión.

Agardo que todos e todas esteades ben, xunto coa vosa familia.

Agora teríamos que volver a clase despois das vacacións, pero por culpa dun virus invisible temos que seguir quedando na casa para non enfermar, é o momento de disfrutar da familia e facer cousas diferentes.

Propóñovos que unha vez a semana, que sería cando tíñamos clase, virades en internet uns vídeos dos que vos deixo as direccións.

Pensade na mensaxe que nos queren transmitir e despois cando retomemos as clases faremos comentarios delas.

Acórdome moito de vós. Unha forte aperta desde lonxe.

Binta y la gran idea

El hombre que hacía milagros

Grandes Héroes y Leyendas de la Biblia

(Entre outros títulos que se poden elexir)

Madre Teresa

Big hero 6

Adestramento auditivo 1: "Cinco minutiños máis"

Saber escoitar é unha das habilidades máis importantes e necesarias para ter unha boa comunicación. Existe un proverbio oriental que di: "Ninguén amosa máis a súa torpeza e mala educación, que o que empeza a falar antes de que concluíse o seu interlocutor".

Ao poñer en práctica esta habilidade estás desenvolvendo a atención, o silencio e a empatía, características fundamentais dun gran Superheroe e Superheroína.

Para practicar, Bibliogaldo proponnos escoitar un videoconto realizado pola mestra Inés coa axuda do seu fillo Antón titulado "Cinco minutiños máis".

Se queres demostrar que sabes escoitar, 

este MINI-RETO ao correo electrónico tes que enviar.

MINI-RETO 4: Fai un vídeo, audio ou texto contestando a estas preguntas:

1. Que foi o que máis che gustou?

2. Cantas actividades saen facendo os raposos?

3. Cales son as palabras que aparecen escritas?

4. Ti tamén lle pides á túa nai ou ao teu pai "cinco minutiños máis"?

5. Cal é a actividade que máis che gusta facer cun maior da túa familia?

6. Se tiveses que elexir cinco palabras que aparecen no videoconto, cales serían? Cítaas e forma unha oración con cada unha delas.

*Recordade que podedes ver este e outros vídeos do colexio na nosa canle de Youtube. Podedes acceder a ela no enlace que aparece na columna da dereita.