Recordades cando medimos o patio cuberto ou cando nos medimos para facer o patrón do noso disfraz?
Estabamos medindo a lonxitude, é dicir, a distancia entre dous puntos. Para refrescar a memoria, podedes ver este vídeo.
Para nós, os Superheroes e Superheroínas, saber medir é vital xa que nos permite calcular distancias e o alto ou o ancho dos nosos inimigos. Por iso é importante que vos adestredes e para axudarvos a mestra Inés envíavos este vídeo.
MINI-RETO 6: Escribe nos comentarios a resposta ás seguintes preguntas:
1. Que diferenza (en cm) hai entre o máis alto da túa casa e o máis baixo?
2. Eu (Carmen) mido 171 cm, é dicir, 1,71 metros. Que diferencia (en cm) de altura teño con vós?
3. Ordena de menor a maior as persoas que viven con vós tendo en conta a súa altura. Exprésao en centímetros e non esquezas poñer o símbolo correspondente.
Ningún comentario:
Publicar un comentario
Nota: só un membro deste blog pode publicar comentarios.