O vilán "ABURRIMENTI" volveu a aparecer... O seu principal obxectivo é facernos sentir tristes, decaídos e incluso enfadados co mundo, sen saber que facer durante as looooooongaaaaaaaas horas do día, que pasan moiiiiii lentameeeeenteeee.
Dúas compoñentes da Súper Escola xa o venceron e queren compartir con vós como o fixeron.
Ti que fas para vencelo? Se compartes o teu remedio, conseguirás 20 puntos extra.
O 30 de abril é o Día Internacional do Jazz. Celébrase este día para concienciar sobre a súa importancia como ferramenta educativa e de promoción da paz, o diálogo e a cooperación entre pobos de todo o mundo.
Oiras falar del? Sabes o que é? Mira esta presentación!
MINI-RETO 7:Pon a proba os teus coñecementos de Jazz con este xogo de Boom! Para superar o mini-reto é preciso conseguir o código e envialo por correo electrónico.
Cada 29 de abril celébrase o Día Internacional da Danza, data que coincide co nacemento do bailarín francés e profesor de ballet Jean Georges Noverre, considerado o creador do ballet moderno.
Dedicándolle este día preténdese conseguir a atención do público sobre a arte e cultura da danza, reunindo a todos aqueles que elexiron esta disciplina como medio de expresión para a súa vida, traspasando as barreiras culturais, políticas ou étnicas.
Este ano non o podemos festexar como se merece debido a que o vilán "Danzamun" fixo desaparecer as danzas tradicionais do mundo. Arrebatounos un medio de expresión e comunicación que nos axudaba a mellorar a relación cos demais, aliviar o estrés, fortalecer o noso corpo e desenvolver a memoria, entre outras cousas.
Chegou o momento de actuar! O mundo necesítavos! Debedes enfrontarvos e derrotar a este malvado vilán! Para conseguilo, tedes que buscar unha danza e enviar por correo electrónico o seu nome, o país de onde é típica e un enlace a un vídeo da mesma (YouTube).
*Lembrade mirar as que aportan os vosos compañeiros e compañeiras! Trátase de rescatar e recuperar o maior número de danzas posible.
Recordades cando medimos o patio cuberto ou cando nos medimos para facer o patrón do noso disfraz?
Estabamos medindo a lonxitude, é dicir, a distancia entre dous puntos. Para refrescar a memoria, podedes ver este vídeo.
Para nós, os Superheroes e Superheroínas, saber medir é vital xa que nos permite calcular distancias e o alto ou o anchodos nosos inimigos. Por iso é importante que vos adestredes e para axudarvos a mestra Inés envíavos este vídeo.
MINI-RETO 6:Escribe nos comentarios a resposta ás seguintes preguntas:
1. Que diferenza (en cm) hai entre o máis alto da túa casa e o máis baixo?
2. Eu (Carmen) mido 171 cm, é dicir, 1,71 metros. Que diferencia (en cm) de altura teño con vós?
3. Ordena de menor a maior as persoas que viven con vós tendo en conta a súa altura. Exprésao en centímetros e non esquezas poñer o símbolo correspondente.
Tocar un instrumento axúdanos a desenvolver a memoria, atención e concentración, a estimular a nosa imaxinación e creatividade e permítenos mellorar o noso estado de ánimo, cousas fundamentais para ser un gran Superheroe ou Superheroína.
Por iso vos propoñemos o seguinte reto: CONSTRUÍR UNHA FRAUTA CUNHA PALLIÑA, xa que sabemos que é posible que non teñades ningún instrumento na casa. Tan só tedes que coller unha palliña e unha tesoira e seguir os pasos que vos indica Abraham Cupeiro.
Para superar o reto, debedes enviar ao correo electrónico unha foto do instrumento construído e un audio no que se vos escoite tocándoo.
